مجموعه من الابو ذيه

غيابك خلخل اعضامي وهدهن
واجر حسرات ببعادك وهدهن
الي دمعات لو ابجي وهدهن
تفيض اليابسه ونغرك سويه

ــــــــــــــــــــــــــــ

يروح الروح للمحبوب شهدي
انا النحلة النحيلة وخلص شهدي
حرت للغالي غير الورد شهدي
الورد بس للورد يصلح هدية


____________________________



صحيح بعيد بس كلبي شعر بيك
حزين وصبح بس يكتب شعر بيك
عجيب شلون باقي أسود شعر بيك
وأنه بفركاك ما ظل شعر بيه


____________________________
هلاكك طب وسط كلبي فهلك
وعيوني ما فهن لحد فهن لك
فقط بيك الكلب فكر فهل لك
كلب مثلي يفكر فقط بيه

___________________________


شعرما اكتب لغيرك واناظم
وتفضح دوم بسراري وانا ضم
الساهر ما وصف حسنك وناظم
اوصفك ابيش وانتة الروح الية


____________________________________


شعرما اكتب لغيرك واناظم
وتفضح دوم بسراري وانا ضم
الساهر ما وصف حسنك وناظم
اوصفك ابيش وانتة الروح الية


________________________________


فقط كّلبي المحبتك مائل انا
وأبد محبوب غيرك ما آلي انا
ولون يعطش كّليبك ماء أله انا
وألك فدوة العمر انطي نطيــه

__________________________________


سلامي للولف ياطيــر وصله
احبه ومن صدك محتاج وصله
كريم النسب ابن شيوخ واصله
اصل عز واصل غيره وحميه

_______________________________

اصيلة الروح تنشد من خيالي
وافز مرات اخافن من خيالي
شكثر حاولت احذفك من خيالي
خيالي انحذف وانت لهسة بية

_______________________________

شخص البادلك بالطيب رده
مو تجفي وتروح بغير رده
شافاني وركض للباب رده
جزات الطيب رد بابه عليه

______________________________

حلو يهيّج لهيب الروح لوفات
ويظل ساحكَـ على الدلاّل لو فات
يالاسمر لا تدور وياي لوفات
صريح آنه وتظل ذاتي وفيه

______________________________

منهو اللي خبط ماياك..وحالك
ومنهو اللى بگطع وصلّك..وحى لك
عجيبه وغيرت طبعك..وحالك
وصرت اسئل ولا تسئل عليه

______________________________

حبيب الكلب عني ليش هملان
ودمع عيني على الوجنات هملان
الحديد الماتلينه النار هم لان
اشوكلبك صخر ماحن عليه


__________________________________



العشك كاروكة يامة .. لولة بية
وفرني شلون فـــرة .. لولبية
احبه وحبه خلـــة .. لولة بية
ارجف لون طاري الحب مر علية

________________________________


بحجيك ليش بس وياي ........ شطيت
نطيتك دمع عيني تكول ....... شطيت
انة بدمع العيون اشطوط ....... شطيت
وصب وفرات بين ادية


_______________________________


صرت كهوة لحبيبي بوسط فنجان
وفن انس الي يوصله فن جان
اذا العاقل نظرلك نظره فنجن
انا المجنون وتكلي انظر اليه

ــــــــــــــــــــــــــــــ