علمني بغيابك ما أون واشتاك!!

علمني بغيابك ما اون واشتاكـ
لان جزعتني ناسي واهلي ملوني

افز كل ليلة اصرّخ مثل الاطفال
افكَـدنّك غبت يالتارس اعيوني

امد جفي ابمجاني واشتهيك ادموع
وتضل وحشت غرفتي تكحل اعيوني

جذب ما راح اكَـولن هذا يمي اهنا
وتمر نشغت امسودن تكَـلب اظنوني

احبك .. لا اكرهك ... والحسن اهواك
ابكثر ما فرفحتني بشوكَـي وجنوني

صرت ماريد اريدك ... بس اريد وياك
لغز اصعب بقائي وسفرتك دوني

اضل المن جذب ماطوّل ابلياك
مثل كَـبصت تتن عذّالي وجّوني

الك بس انت وحدك دمع تالي الليل
ودمغ حيل اعلة كَـصتي وصكّت اسنوني

خسرتك ليش من غم العمر بجفاك
اضل بس للشماتة المايرحموني

يســــلـــ م ــــــــو

هذا ذوقك الرائع

شكرا عالمرور والتواصل