حب اشتياق ولهفه الحب

مر بيه بأي وكت اني انتضـــــرك
واذا ماتكدر تجيني دزلي اطيوفك

شكد مشتاك احاجيك واكعد وياك
وشكد بودي احضنك والزم جفوفك

عليك الله اكلك لاتحب غيـــري
ليش الي يحبك يكدر يعوفــــك

انه بلياك ماريدن ليلتي تعــــدي
شيخلص ليلتي لو ما اشوفــــك

عليك الجفن يسأل شلون اهدي
شلون اخلي عيوني تترك صفوفك

واضيعن من مااحسك يمي موجود
بس الكه لساني ينطق حروفك

واكول استغفرك ربي اذا غلطت وياه
لان ماجنت اعرف شنو هيه اضروفك

انه ابحرك مثل سفينه بلايه شراع
منين ماالتفت تسحبني أجروفك

ويهدن عليه امواجك بكل السيوف
بس لا بيوم تبرز بوجهي سيوفك

يسلمو يا غالي على هذا الكلام

الذي يبعث النشاط والسعاده
في منتدانا
تقبل شكري وامتناني