خاين العشره

خـــاين العــشـــره ..

ابرحـل عنـك صدقنـي كرهـت الـحـب باسبـابـك .. ابرحل ما حنيـت الـراس لـك يـا خايـن العشـره

ابرحل واهجر ديارك وخلـك فـي هـوى احبابـك .. ابرحـل والغـلا بيـنـي وبيـنـك منتـهـي عـصـره

ابرحل واترك الماضـي وبمسـح صفحـة كتابـك .. ابـرحـل عـنـك واسمعـهـا أنــا طلّقـتـك بعـشـره

تعبـت اكـذب الـواقـع واصــدّق كـذبـة اعجـابـك .. لأنـي عاشـق ٍ مخلـص ملكـنـي حـبّـك بسـحـره

تعبـت اراعـي شعـورك واغـظ الطـرف بغيابـك .. غشيم ٍ واحسبـك وافـي خدعـت القلـب بالنبـره

رخصت الكل من شانك .. رضيت اتحمل عتابك .. ولكـن للأسـف حبّـي مـن افعـالـك ذبــل زهــره

تحملتك علـى ظلمـك وقلـت الوقـت يصفـى بـك .. واشوفـك تلعـب بذيلـك وغــدرك آه وش كـبـره

وفـوق الغـدر تتمسكـن وتخفـي الـسّـم بانيـابـك .. وتظهر دمعتك تبغي تغـش اللـي رخـص عمـره

ولـكـن وفّــر دمـوعـك تـرانـي خـابــر الـعـابـك .. انا ماني مثـل غيـري ضعيـف النفـس والقـدره

محيـت اسمـك وشقّقـت الرسايـل وانقفـل بابـك .. ولا عـاد المشاعـر يحتـرك مـن شوقهـا شعـره

كرهـت اسلوبـك الماكـر كرهـت اناظـر اهـدابـك .. وعفتـك عقـب مـا بانـت حقيقـة قلبـك وغــدره

مصير الوقـت يثبتلـك وفـاي ويحـرق اعصابـك .. وتتحسـف علـى مافـات منـك وتمتـلـي حـسـره

اقـول ارحـل فمـان الله ولانـي بحسـب حسـابـك .. مـدام الـغـدر فــي دمــك تـوكـل لا تـجـي بـكـره

توكـل لملـم شتـاتـك مـعـاد الـوقـت يحـلـى بــك .. تـوكـــل لا تحـسـب أنــي بـهـل بغيبـتـك عــبــره

ابي تنسى حروف ٍ صغتها لـك يـوم تزهـى بـك .. وابي تنسـى حبيـب ٍ سـال حبــره دم فـي شعـره

بعلّـمـك الـوفـا واشـلـون لـيــن الـغــمّ ينـتـابـك .. واجرعـك العـذاب اشكـال دامـك بـرت بالعشـره