شحجيلك؟؟؟؟

شحچيلك شخبرك عالجرالي
چذب ماينوصف للدوم حالي

عشت لحظات ماشايف مثله
ولا مرن چذب مره بخيالي

بحلم ماصدگت فد يوم الگاك
وهسه انته صدگ گاعد گبالي!

سرح بيك الخيال وهامت الروح
واخاف عليك احسك صرت مالي

متمرس اصيد مجربه الفال
ولو رايد صدگ مايخطي فالي

خفت مني عليك وكلشي ماخاف
دجرب عيش هاللحظه ابدالي

شيطان العشگ مر بيه مرات
وبيك اتعوذت انته المثالي

واحس كلش تمرد شوگي وياي
واشوف شفاي ملت من دلالي

وعلى غفله خذتني شفاي لشفاك
وهمت من شال راسك صار شالي

واشوف ايدي بحرمكم گامت اطوف
وطفت مره وعفت چيف انته غالي

تظل باحلى الصور يالصورتي بيك
واحس بعفتك من تمر بالي

عليك اتعودت ياضي العيون
وغيرك بالخلگ محد حلالي

بيك اتعذبت يالبيك مرتاح
صرت خادم الك صير انته والي