توصيني اعلة روحي وروحي هم تعيش؟
واذا عنهة بعدت هم تظن تنساك؟
يعني اعكَد رموشي بحاجبي شلون؟
لأن بجفوني كلما ارمش الكاك
ودعتك ولو كَلبي انعصر حيل
وأحس بكَلبي كلة يصيح (مشتاكَـ)
انت الي خسرتني واني خسران
وحبنة شكد بجة وخلكَه اشكثر ضاكَـ
بجيتك مو دمع، دمعي بجه عيون
وفوكَـ عيون دمعي دموع الفراكَـ
وأبوذيه نطقهه لساني مقهور
شالت ذكرياتي الراحت وياك
وقل ماك
كثر بيه عطش حبك وقل ماك
واشتلنك جنت بية وقلماك
ذكرى يمي ظل عطرك وقلماك
يبجي ويرسم دموعك اليه...
خاطر عودي ظل بجفاك مكسور
من شافك مشيت وماحجه وياك
يكَلك لحظة، دوزنت أني الاوتار
والاغنيه التحبهة تموت بجفاك
ما أحبك آنه , اتنفس انا هواك
كل ما فيني يصوتلك ابيك..
ضاعت سنيني تاليهة معاك
رد روحي لا تضيعهة بإديك
ما مستوعب انه الصار لساع
كاعد مرة اصفن مرة ابجيك
نطيتك كلشي عندي بهاي دنياي
وشعندي بعد؟؟ لو عندي انطيك
يصلي كليبي الك ويصوم كل يوم
ويطوف شكثر بخطوط جفيك
وعيوني انت بيهن ساكن سنين
وروحي فراش الك جانت تغطيك
اصم بيدية اذاني كبال هالناس
اخاف ابجي اذا مر بية طاريك
وكلما اصمهن اكثر زاد طرواك
تخيل،، جفي واذني السولفو بيك
شرد احجي بعد ، ما بية كل حيل
خايف صدفة باجر بيهة الكيك
وما حاجيك اذا لاكيتك بيوم
وادري لسان كلبي هوَ اليحاجيك