فراشة الحب مــلـــكــة الــمــنــتــدى
الجنس : العمر : 34 تاريخ الميلاد : 27/01/1990 تاريخ التسجيل : 13/07/2011 الموقع : بغداد العمل/الترفيه : طالبه الابراج :
| موضوع: لاتمسح دموعي شعندك وياهن؟ الخميس يناير 12, 2012 9:15 pm | |
| لاتمسح دموعي شعندك وياهن
سولف غيرهن ذنّي افتهمناهن!
عله هذا الخذاك احچيلي يفهم بيك
واستوعب رموشك عرف معناهن؟
شلته ابينهن والچان بيهن طاح
ذبّيته الگبل بعيونه خلاّهن!!
چا من شلته منهن ماحسبت يموت
ذاك الگالك ماعيش لولاهن؟؟
البداك اعله روحه بلحظه تغدر بيه
البداك اعله روحه سنينه بدّاهن!
المهم سولفلي عن هذا الجديد شلون
من يشرب عيونك يسكر وياهن؟!
تهجّه حروف خدّك واللغه البشفاك
لو صعبن عليه ماگدر يقراهن؟؟
عله صدرك حظنته وسلّمت وياه
تبدّن بين اديه والشعر غطّاهن؟
يخجل مثلي لو كلّش تماده وياك
الماسوّيتهن ويّاك سوّاهن؟؟
سترت الذكريات بخانة النسيان
خو مافرّعن وانجاب طرواهن؟
خاف يشم عطر من عندي عالقمصان
شد عيونهن واغسل خطاياهن..
ماعاتب بعد شيفيد بيك اعتاب
المافادن گبل هسّه اترجاهن
تره هنّه الوفه والصدگ هم صعبات
يگدرهن ردي وغدّار حاشاهن
لاتسال شموعي شلون اخذهه الليل
مومسألة ليل فراگ طفّاهن..
السنابل هيچ من فارگهن الفلاّح
طيّح روسهن وتراب خلاهن
ولاتحسدني هنه البقن بس ضحكات
باچر ينتهن وتموت ذكراهن
مرّات الطيور يغنّن من الظيم
فك باب القفص دمعات تلگاهن..
عن ياهن احچيلك قسوتك فرگاك
بياهنّه ابتدي واختملك بياهن!
ماتذكر ابّابك من وگفت شلون
اسولف والجدام اتعارك وياهن
وشفت چفوفك اللوحن بالله وياك
هيچ بهالسهوله وگلبك انطاهن!
ماتن كل صورّك بيدي من رديت
وانه وصفنتي اصورّك رثيناهن
انه وجفني ادْمَنّه الدمع والليل
عشرة عمر ومن الصعب ننساهن
شرجعلك محطات الورود تموت
اذا شافن قطار النده اتعداهن..
ارجع والسنين وعمري المصلوب
وجروحك برگبة من خطاياهن؟!
گتلك كلشي اتحده القصور اطيح
وقصور المشاعر مااتحداهن..
انت بلاوعي وهدّمت بيه قصور
وانه بلاوعي وهدّمتك وياهن
صرت بلاوعي وهدّمتك وياهن | |
|
فراشة الحب مــلـــكــة الــمــنــتــدى
الجنس : العمر : 34 تاريخ الميلاد : 27/01/1990 تاريخ التسجيل : 13/07/2011 الموقع : بغداد العمل/الترفيه : طالبه الابراج :
| موضوع: احلفك بيش احلفك؟ الخميس يناير 12, 2012 9:22 pm | |
| احلفك بيش احلفك وارتجيك شلون واذا ردت اني احلفك يعجز الساني احلفك فدوة تبقى وتلعن الشيطان انة ما يملي عيني بغيبتك ثاني تدري بلكلب باقي على شعرةيعيش واعقلهة بغيابك يكدر يتاني طبعاً مايعيش وانتة عنة بعيد معقولة يعيش وانتة شرياني تصير ايامي سودة لو رحت لبعيد وتشح افراح كلبي وتكثر احزاني سهلة يصير تبعد بس جذب انساك واذا جذبت انسى انتة تنساني؟؟ احلفك بيش احلفك مابقت ايات ومن كلبي اطلع صدق برهاني لاضلت خرز لاسحر يمشي وياك وعفت الناس كلهةوصرت علماني تدريني تعبت ما احمل الاهات وترى حبك خيال وهدم خلاني وكلبي ما يهوّد كلب ام اعليك وكلب الوالدة ثق حيل اذاني | |
|
(¯`'•محبوب الكل•'´¯) وفــــي وطــيـــب
الجنس : تاريخ التسجيل : 16/06/2011 الموقع : العراق/ بغداد العمل/الترفيه : حاسبات وموبايلاات
| موضوع: رد: لاتمسح دموعي شعندك وياهن؟ الجمعة يناير 13, 2012 1:32 am | |
| مشكورة فراشة الحب على ماقدمتي
جميل ورائع
| |
|
فراشة الحب مــلـــكــة الــمــنــتــدى
الجنس : العمر : 34 تاريخ الميلاد : 27/01/1990 تاريخ التسجيل : 13/07/2011 الموقع : بغداد العمل/الترفيه : طالبه الابراج :
| موضوع: رد: لاتمسح دموعي شعندك وياهن؟ الجمعة يناير 13, 2012 3:59 am | |
| اشكرك واشكر تواجدك
منووووووووورررر
****************** | |
|