الى اغلى انسان بحياتي

ولك مشتاك الك انه اعترف مشتاك
افكر بيك صدك عايش بحركه

واذا واحد ذكر اسمك يهزني الشوك
واحس كل الخلايا بجسمي محتركه

بعدهه ايديه ترجف من يمر طاريك
وبعدهه الروح ضلت بيك متعلكه

تذكر جنت اشبكـك و انشبك بيديك
واسافر للشمس من تكبر الشبكه

باوع خدك الجنت انه ابوسه هواي
هم تذكرني لو غيرتك الفركه ؟؟

بوساتك بعدهه بصدري يمي تبات
وعطرك بعده يصعد بيه كل شهكه

غلط صار وظلم فرقنه ليش شلون
طحنه وللأسف وركه بأثر وركه

وي نفسي شكثر مرات احجي اعليك
وأرد ارجع واكولن هو هم حكه

تعب خلكي شكثر تعبني التفكير
خلكي من التعب مل حته من خلكه

انه اتنازلتلــك وبجروحي ارضيت
لان شفتك صدك مرتاح بالفركه

اريد الخير الك وتحب بعد وتعيش
ومرسومه تضل بشفافك الضحكه

خل يبقه الحزن طلقه ويه كلبي تنام
وخل يبقه الزمن شايل علي تفكــــه

باجر تعشك ويهواك غير انسان
واذا كلك يحبك مثلي لـــتصدكه

نعم تلكه اليحبك وانه اضن الكيت
بس كد ماهويتك واللــــــــه ماتلكه

اكثر من ابوك وامك انه اهواك
واضن باين علييه بساعة الملـــكه

خلص هسه انتهينه وعمري صار كتاب
خليه اعله رفك والمهم طبكه

ضل اسمك نبض فاضحني صبح وليل
يدك بكلبي سيف وتجرح الدكه

دمتي بهذا الابداع والتميز

بأنتضار كل ما هو جديد

لكي مني خالص تحياااااااتي

عذرا منكي كتبت ولم اكن ادري ماذا كتبت

قد اكون ابعتدت قليلاا وربما اقتربت

ولكنها كلمات اوجدتها لحظة الصمت مع قراءة حروفج

حقيقة انتي رائعة جدا

بل تملكي الابداع والتميز

فلكي من قلبي كل الشكر

فان لم يكن ردي يليق

فغدا ان شاء الله اشراقة جديدة

في مكان ما وموضوع ماا

سأحاول لعزفك مجاراه

علني اصل الى تلك الروعة وذاك الجمال

شكرا لكي كل الشكر . لكي خالص تقديري واحترامي

» لكل انسان دقائق!!
» ارجوك انسى انك انسان
» المعاق انسان كسائر البشر