عليه شعطلك تدريني أتانيك

عليه شعطلك تدريني أتانيك

كل لحضه بغيابك عندي الف عام

سهله أحرث وأزرع وأتعب وياك

بس صعبه بغيابك أحصد أوهام

تعال وشوف حالي بهجرك شلون

أنه الجانو وراي أصبحوا كَدام

وانه الجنت أحبك كَبل متصير

أحبك وحنه جنه بوسط الارحام

أحبك موسوالف بأخر الليل

أحبك حب دمع لخدود الايتام

ومن كَد ما أحبك سولفت بيك

وزرعتك بين جلدي وبين العظام

شكثر ناديتك أنه وأنته ماجيت

وعلى صوتي أجتني أركاض الاصنام

موبس أنه أحلم بيك مبخوت

تحلم بيك كَبل أحلامـي الاحلام