السلام عليكم
هذي قصه حقيقيه صارت وعشت بمضمونهه
لان البنت صديقتي ما اريد اسبق التفاصيل
البنت كان اسمها شيماء والشاب اسمه مضلوم
كانو يحبون بعض بس بل نضرات بدون مبادره من الطرفين
ولا كلام بس السلام لانو الشاب اخو صديقتنه
والبنت كانت حلوه لدرجه وانيقه وفكاهيه والابتسامه
متفارق الشفايف الورديه
وقصتنه سنه 2000 مو هسه يعني ايام المتوسطه
الثاني متوسط وكتها واجو خطابه على البنت
واهلهه من الناس الي يحبون الولد اكثر من البنت
ووافقو على الشاب المتقدم دون السوال عن طبعه
والشاب كان يعرف انو مضلوم معجب بيهه
بس ماعنده الجرءه حتى يحجي وياهه
وهي اجت تبجي لصديقتهه واخته وهو كاللهه لاتوافقين
اني اموت وبجت
وراح تقدم الهه وحالته الماديه ممتازه
وهو اكبرمنهه ب10 سنوات
ورفضوه
بس اهلهه سووالي براسهم وزوجوهه
مضلوم صار مثل المجنون يوميه يمر من باب البيت التزوجت بي
وهي تشوفه وتشبع بجي
وهو يضربهه ويموتهه كتل زوجهه
المهم مطال الزواج غير شهر و4 ايام وصارت المصيبه
راحت شيماء تشوف اهلهه وهي نفسيتهه تعبانه
وخابرتنه وكالت اريد اشوفكم بنات
وجنه احنه خمس صديقات من الاول ابتدائي
وكانت متغيره بشكل مو طبيعي كانو مو هي
وجهه اصفر وعيونهه مو هي والابتسامه اختفت
ردنه باي صوره نضحكهه مكدرنه وكالت حبيت بس اشوفكم
ثاني يوم كان عدهم عرس اقاربهم وتعذرت من امهه وكالت
مااروح اريد انام وكانت متحضره لشيء ثاني
تعرفوا شنو هذا الشيء
اشترت سم زرنيخ وخلته بكوب ماء وشربته
مطولت بين مانقلناهه للمستشفى احنه واهلهه لان احنه نفس المنطقه
نص ساعه بس وكالت بنات اني احبكم وخل مضلوم يسامحني
وكالت لامهه اني ماارضه عليج ليوم الدين وماااااااتت
احنه موبس متنه اعصابنه انهارت ورحنه الفاتحه بس كلنه لامهه
لاتبجين انتي الي كتلتيهه وهي كالت كل يوم تدعي عليج
مضلوم جان ويه اخته بل مستشفى
ونصدم وهسه هو مختل عقليا لليوم
عندي صورهه كل ماانظر الهه احسهه عايشه ويانه
وراحت ضحيه بسبب اهلهه الي ماعرفو يسالون قبل ليزوجون بنتهم
اتمنى انو الهذي القصه تركت طابع وشعور
وهي تسرعت ماكو شيء ينحل بلموت