اجمل لقاء شعراء بالابوذيات

الوكت مانشف عيوني وشرهن
وطحت بالغاسق الواقب وشرهن
رهنت الروح لودادك وشرهن
بعد بس كاع كبري وموش اليه

وقد عقب الشاعر منهل هادي ابوبيادر من عفك قائلا
كلبي باع كل الربع وشراك
بودادك وحده ماخان وشراك
شراواني الوكت من ضيم وشراك
يهون من اذكر انته احزام اليه

وعقب الشاعر ذياب الحمزاوي من عفك
بعد مالي على دنياي عتبه وشرهه
نفع ماريد بس جفيان شرهه
اريد احجي بسالفتي واشرهه
واشوف اهل العكل شتلوم بيه

وعقب سيد زغير الداوودي من الديوانيه قائلا
الوكت بيده لزم روحي وشرهه
بنص وادم ولانعرف وشرهه
بمزاد يريد بيعته وشرهه
شرتهه ومارضت جيفن ابيه

وعقب احد شيوخ عشائر السراي في الكوت قائلا
البجي خلص على دموعي وشلهن
وحرت شلون الملم جروحي واشلهن
اعوذا بالدحى خيبر واشالهن
يحفظك كل صباح وكل مسيه

وعقب احد شيوخ عشيرة ال احمد في الدغاره قائلا
اليالي كثر باطلهن وشرهن
وبعد مااعتب عليهن وشرهن
شبيعن لليداعيني وشرهن
البقن بالدار كلهن موش اليه

وعقب عبدالزهر كاظم البخن من الكوت قائلا
عليك الروح ملهوفه وشرهه
واترك نية التكره وشرهه
دمعتك طشهه بجفوفي وشرهه
لأن دارك دليلي وموش اليه

ارجو ان تنال رضاكم

<p>تحياتي

شكري وأمتنآني لـ طرحكـ الجميل

يعطيك العافية

لك تحياتي وفائق احترامي

منور اخي محبوب
لك مني كل التقدير
على وجودك وردك الجميل
تحياتي لك بالسعاده
الابديه
مع من تحب

» تحشيش بالابوذيات
» اجمل عروسه الى اجمل شاب
» اجمل الخوااااااااااااااااااااطر